اسمك مو عراق ....

بسم الله الرحمن الرحيم
اللهم صل على محمد وآله وسلم
السلام عليكم ورحمة الله وبركاته

اسمـــك مو عراق

اسمك مو عراق اسمك ادموم تسيل

ما عندك فرح بس الحـزن شانـك

ماعندك علم ابيض واخضـر بيـه

بس اسود تراها انصبغت الوانـك

ما تكفي الارض تدفن هوايه اجساد

صارت مگبـرة هاليـوم وديانـك

لحظات السعـادة توادعـت ويـاك

بالهم والقهـر مـدگوگه بيبانـك

حيطان الدول مرسومه كلهـا ورود

وانت مصبغـات بكـدر حيطانـك

شمالك يا وطن عكس الخلگ ظليت

وابنوح وبواچي تبـات نسوانـك

هاي التنعه ابنه وذيچ راعي البيت

گلي ليا وكت ما تنتهـي احزانـك

وسفه يا وطن بجروحك ان تلـوع

وابعين الصلافه اتبـاوع اخوانـك

محد گام ضمـد هالجـراح البيـك

وينه الي يفكـر يطفـي نيرانـك

وين ابن الزنى والاصله ما مضبوط

من هاي النماذج قيـس عدوانـك

لا چن ماتطيح وبيك حامي الجـار

وبـدم الحسيـن انعـدل ميزانـك

وبنخوة گمر عدنان هـذا المـاي

سال بكل كتـر يسگيـه گيعانـك

لازم تنفرج ما يبقى هـيچ الحـال

خل صبرك چبير وراسـخ ايمانـك

يظهر حجـة الله وبالعـدل يمليـك

وباسـم الامـان يصيـر عنوانـك

تحياتي

وعليكم السلام ورحمة الله وبركاته

منقووول

مشكورة اختي

يسلموو اختي

ان شاء الله يرجع السلام والامان الى اهل العراق

ويتحول الام البكاء والحزن الى ضحكه جميله متفائله

وتحياتي

يسلموو عالمرور

يسلموووووووووو